Իսկական թայֆուն ցամաքում, այն էլ Երեւանում, այն էլ Հաղթանակ զբոսայգում… Տուժածներ էլ կան…. Բայց նորություն չէ սա արդեն մոտ 10-ն օր անցել է այն օրվանից, երբ թայֆուն անունով կառուսելը ընկավ ու ամբողջ երկրի մամուլը գրեց այդ մասին: Սա Թայֆուն վերամբարձ անունով կարուսելի այն հատվածն է, որը ընկավ մայիրսի 9-ին ու 4 հոգի տուժեցին: Այսօր այս մասը պահում են ցելոֆանե թաղանթի տակ ու հատուկ հյուրերին են ցույց տալիս, բայց կարուսելի մյուս հատվածը սարքին վիճակում է: Էքստրիմի մեջ հայտնվո՞ւմ են մեր քաղաքացիները: Անվտա՞նգ են արդյոք մեր կառուսելները քաղաքացիների համար: Այսօր փորձել ենք այս հարցի պատասխանը գտնել: Գանք ամենասկզբից: Մինչեւ Հաղթանակ զբոսայգու վթարը այս խնդրի մասին կարծես թե ոչ մեկը չէր խոսում: Փառք Աստծո վթարից հետո ոչ մեկը լուրջ վնասվածք չկրեց, հավանաբար այն պատճառով, որ մարդիկ կարուսելի վրա լավ են ամրակապված եղել: Հիմ գանք իսկական խնդրին:
Խորհրդային միուըթյան փլուզումից հետո Հայաստանում առաջին անգամ օրենք է ընդունվել Տեխնիկական անվտանգության ապահովման պետական կարգավորման մասին 2005 թվականին: Այստեղ ընդամենը մեկ բառով նշված է, որ կարուսելները նույնպես պետք է դասվեն վտանգավոր արտադրական օբյեկտների շարքին, բայց չի կանոնակարգվել, թե որ կարուսելներն են համարվում վտանգավոր արտադրական օբյեկտ:
Այնուհետեւ 2010-ը թվականին կառավարությունը որոշում է ընդունել, որտեղ գրեթե բոլոր կարուսելները համարվում են արտադրական վտանգավոր օբյեկտներ: Նույն տրամաբանությամբ վտանգավոր կարող է համարվել նաեւ ասենք մեր, կամ ձեր տան մահճակալը:
Մինչեւ 2010-ը թվականի հունիսի մեկը կառուսելների տերերը պետք է հասցնեն հաշվառվել տեխնիկական անվտանգության կենտրոնում: Նախնական գրանցվելու համար ծախսերը ըստ կառուսելի կառուցվածքի եւ բարձրության կարող են լինել 10-ը հազարից մինչեւ 500 դոլար ամեն մեկի համար: Եթե կարուսելատերերը մինչեւ այս տարվա հունիսի 1-ը չգրանցվեն 1 մլն դրամով կտուգանվեն եւ կփակվեն:
Հայաստանում գրեթե բոլոր կարուսելները գտնվում են զբոսայգիներում եւ աշխատում են վարձակալությամբ, բացի դա նաեւ որոշակի հարկային պարտավորություններ ունեն: Հետաքրքիր է որտեղից են այս մարդիկ տալու այդ գումարները: Բա եկեք պատկերացնենք, որ մինչեւ օրենքով սահմանված ժամկետը չեն կարողանում գրանցվել հետո ի՞նչ է լինելու…
Վերադառնանք կրկին ընկած կարուսելի խնդրին: Կարուսելները ստուգելու համար կազմակերպությունները 6 ամիս ժամանակ են պահանջում զբոսայգիներից: Եթե աշնանը անցկացնեն ստուգումները ձմռանը ասենք նույն կարուսելները կորոզիայի կենթարկվեն, իսկ եթե գարնանը անցկացնեն մինչեւ աշուն թույլտվությունը պատրաստ կլինի: Իսկ երբ աշխատեն կարուսելները:
Ստացվում է այնպես, որ տաքսիներից, ոսկերիչներից հետո կարուսել շահագործողներն են դառնում կառավարության թիրախը:
Добавить комментарий
Комментариев нет.
RSS комментариев URI для обратной ссылки
